Charta qua Gauserannus et frater ejus Lambertus dant monasterio Cluniacensi, pro anima matris eorum Alexandræ, curtilum quem ipsa tenebat in Corcellas.
Sacrosancto exorabili loco Cluniense cœnobio in honore beatorum
apostolorum Petri et Pauli consecrato, nos, in Dei nomine, Gauserannus et Lanbertus donamus unum mansum in Corcellas, pro anima matris nostre Alexandre, ipsum mansum quem ipsa tenebat, quicquid ad ipsum masum aspicit, campis, pratis, silvis, omnia ad integrum. Facimus autem istam cartam pro anima ejus et pro animabus nostris, ut monachi Sancti Petri teneant, et, si in beneficium aut in comanda dare volunt ulli homini, nobis donent. S. Gauzeranni. S. Lanberti. S. Guntrudis. S. Alexandra. S. Svuini. S. Ingelelmi. S. Ugo. S. Archimbaldi. S. Varnerii. S. Arlei.
(Au dos:) Gauzeranni et Lanberti in Corcellas.